Zjarr masiv në Fier: Ndërhyrja nga ajri e domosdoshme

Tribuna News 18 Gusht 2024

Një zjarr i fuqishëm ka përfshirë mesditën e sotme kodrat e fshatit Frakull e Vogël në Fier, duke djegur mbi 30 hektarë kullota dhe pemëtari. Zjarri, i përhapur nga era e fortë, ka krijuar disa vatra të ndara, duke përfshirë edhe ullishta.

Pavarësisht përpjekjeve të zjarrfikësve të cilët janë në terren, ndërhyrja është e pamundur për shkak të terrenit të thepisur dhe mungesës së rrugëve. Banorët dhe autoritetet vendore po bëjnë thirrje për ndërhyrje nga ajri, pasi zjarri po avancon drejt banesave, duke rrezikuar jetën dhe pronën e tyre.

Dashamir Troka, administratori i njësisë administrative Frakull, ka kërkuar një ndërhyrje urgjente ajrore për të kontrolluar flakët. Ai gjithashtu bën thirrje për identifikimin dhe ndëshkimin e personave përgjegjës për këtë zjarrvënie të qëllimshme.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.