Zelensky kërkon anëtarësimin e Ukrainës në BE

ATSH 26 Shkurt 2022

KIEV, 26 shkurt /ATSH-DPA/ – Presidenti ukrainas Volodymyr Zelensky ka bërë thirrje që vendi i tij të pranohet në Bashkimin Evropian, e gjithë kjo nën dritën e pushtimit rus.

”Është një moment vendimtar për të mbyllur një herë e përgjithmonë diskutimin e gjatë dhe për të vendosur për anëtarësimin e Ukrainës në BE”, shkroi sot në Twitter presidenti ukrainas.

Zelensky tha se kishte diskutuar “ndihmë të mëtejshme efektive” si dhe “luftën heroike të ukrainasve për të ardhmen e tyre të lirë” me presidentin e Këshillit Evropian, Charles Michel.

Ukraina nuk është e listuar nga BE-ja si vend kandidat zyrtar ose kandidat potencial.

Në të kaluarën, ka pasur shqetësime se ndërmarrja e një hapi të tillë do të dëmtonte marrëdhëniet BE-Rusi.

Revolucioni i Ukrainës i vitit 2014 u ndez nga pothuajse tre muaj protesta në sheshin ”Maidan” të Kievit, kundër pezullimit të përgatitjeve për nënshkrimin e Marrëveshjes së Asocimit Ukrainë-Bashkimi Evropian.

Ajo përfundimisht rrëzoi ish-presidentin pro-rus Viktor Janukoviç.

Rusia më pas pushtoi Gadishullin e Krimesë dhe shpërtheu lufta në Ukrainën Lindore.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.