Video: Policia kontrollon qytetarët nëse kanë vërtetim për qarkullimin

TV Tribuna 23 Mars 2020

Në ditën e parë të zbatimit të masës për kufizimin e qarkullimit të qytetarëve dhe mjeteve, policia greke ka ushtruar kontrolle në gjithë vendin.
Në zona të ndryshme të Athinës, policia ndalonte këmbësorë apo mjete, për të verifikuar nëse drejtuesit kishin me vete vërtetimin e lëvizjes.
Policia bëri të ditur se përgjithësisht qytetarët kanë zbatuar me përpikëri rregullat dhe se në ditën e parë janë vënë vetëm 33 gjoba në të gjithë Greqinë.
Në një njoftim për shtyp, Policia Greke thekson se "nga nesër (e martë) kontrollet do të intensifikohen dhe në rast se konstatohen shkelje do të vendosen sanksionet që parashikon ligji".

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.