Tërmeti në Trikala dëmton banesa dhe shkakton rrëshqitje gurësh

Tribuna TV 31 Gusht 2018

Lëkundje të njëpasnjëshme tërmeti janë ndjerë jashtë mase në rajonin e Thesalisë, duke shkaktuar panik ndër banorët.

Tërmeti i parë, me magnitudë 5 ballë, u shënua në ora 10,12 të së premtes, 34 km në jugperëndim të Trikalas, dhe në kufi me Kardhicën.

Një tjetër lëkundje, me magnitudë 4,1 u shënua në ora 11,26, kësaj here 29 km nga Trikala.

Janë raportuar çarje në banesa, rrëshqitje gurësh e dherash në rrugët automobilistike.

Thellësia e vatrës së tërmetit përllogaritet të jetë 10 km.

Sizmologët thonë se veprimtaria sizmike është normalizuar.

Banorët i thanë agjencisë ANA-MPA se tërmeti ishte i tmerrshëm dhe se ajo që ndodhi sot nuk kishte ndodhur kurrë më parë.

Bashkia e Trikalas informon qytetarët se ka vënë në dispozicion katër linja telefonike, ku mund të drejtohen në rast se banesat e tyre kanë pësuar dëmtime, apo për çdo problem tjetër që lidhet me tërmetin.

Këto telefona janë: 2431351100, 2431351200, 2431032330, 2431020000.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.