Tërmet 6,1 Rihter në Greqi

TV Tribuna 27 Nentor 2019

Një lëkundje e fuqishme tërmeti, me magnitudë 6,1 Rihter ka tronditur të mërkurën paradite Greqinë.

Tërmeti u shënua në orën 09,23 në hapësirën midis jugut të ishullit Kithera dhe në veri të Kretës.

Epiqendra u lokalizua 20 km në veri të Antikithiras dhe 84 km në perëndim të qytetit Hania.

Thellësia e vatrës ishte 70,7 km në thellësi të detit dhe kjo sipas sizmologëve është arsyeja që nuk shkaktoi dëme.

Tërmeti u ndje në Athinë e deri në Peloponez.

Sizmologët grekë thanë se tërmeti i këtushëm nuk ka lidhje me tërmetin e djeshëm në Shqipëri dhe se nuk pritet të ketë lëkundje metasizmike.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.