Pesë persona të arrestuar për vdekjen e Matthew Perry; Hetimi zbulon përfshirjen e një rrjeti kriminal të furnizimit me ketaminë

Tribuna News 15 Gusht 2024

Pesë persona, përfshirë dy mjekë, janë arrestuar dhe akuzuar për përfshirje në vdekjen e aktorit të famshëm të serialit “Friends”, Matthew Perry.

Sipas raportimit të BBC, autoritetet zbuluan një “rrjet kriminal të organizuar” që furnizonte Perry dhe të tjerë me ketaminë, një ilaç i përdorur kundër depresionit. Hetimi tregoi se ky grup kriminal përfitonte nga problemet e varësisë së Perry.

Në një konferencë për shtyp, Policia e Los Anxhelosit njoftoi se pesë të arrestuarit përballen me akuza në lidhje me vdekjen e Perry.

Policia theksoi gjithashtu se janë duke bashkëpunuar me autoritetet federale për të gjurmuar burimin e ketaminës që Perry kishte përdorur. Aktori po i nënshtrohej terapisë me infuzion me ketaminë për të trajtuar depresionin dhe ankthin, por seanca e tij e fundit ishte zhvilluar më shumë se një javë para vdekjes së tij.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.