Ndryshon mbyllja e takimit për shenjat biometrike

TV TRIBUNA 04 Mars 2024

Tash e tutje, takimi për shenjat biometrike nuk do të mbyllet nga shërbimi përkatës, por nga vetë emigranti i interesuar.

Kjo do të realizohet nëpërmjet platformës ku sot mbyllet takimi për marrjen e lejes.

Fillimisht, të interesuarit duhet t’i vijë një email nga shërbimi ku ka aplikuar.

Emaili e ve në dijeni se duhet të mbyllë vetë takim në platformë, duke përdorur në vend të numrit të lejes së qëndrimit, numrin e aplikimit elektronik.

Pasi realizohet futja në brendësi të platformës, do të shfaqet kalendari ku datat e lira për takim janë me ngjyrë jeshile.

I interesuari shtyp një nga këto datat dhe pret të zbresë fleta me gjithë të dhënat e takimit, datën dhe orën e caktuar.

Për momentin mbyllja e takimeve elektronike realizohet vetëm në shërbimin e Pireut.

Më vonë do të shtrihet edhe në zonat e tjera.

Ndërkaq, ditën e takimit, i interesuari nuk do paraqitet tek periferia, ku ka shkuar deri ë tani, ose te Xhambo siç njihet gjerësisht.

Zyra e marrjes së shenjave biometrike është në adresën Mesologiou 136, në Pire.

Ndaje me miqte