Ndahet nga jeta pronari 53-vjeçar i Sklavenitis

Tribuna TV 01 Prill 2018

Është ndarë nga jeta paraditen e të dielës, Stelios Sklavenitis, një nga vëllezërit e familjes që gjendet në “timonin” e rrjetit të njohur të supermerkatave me të njëjtin emër.

Stelios Sklavenitis ndërroi jetë në moshën 53 vjeçare.

Sipas burimeve që citohen nga mediat, nuk kishte ndonjë problem serioz shëndetësor. Javën e kaluar ishte diagnostikuar me grip dhe nga e enjtja po kurohej në një spital.

Stelios Sklavenitis bashkë me motrën Maria dhe vëllain Gerasimos, kishin drejtimin e grupit të kompanive Sklavenitis dhe kishin ngritur barrën e gjithë procesit të kalimit në duart e tyre të grupit tjetër të madhe, Marinopulos.

Kompania Sklavenitis u krijua në 1954, fillimisht për tregtinë me shumicë, ndërsa në 1969 u hap supermerkata e parë, në Peristeri të Athinës.

Pas blerjes së Marinopulos, Sklavenitis numëron 538 supermerkata në Greqi dhe në Qipro.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.