Nënshtetësia greke, librat që nevojiten për provimin

TV TRIBUNA 02 Tetor 2021

Sipas legjislacionit aktual, cilido që dëshiron të aplikojë për të marrë nënshtetësinë greke, duhet më parë të pajiset me certifikatën e njohurive të mjaftueshme për natyralizim.

Provimet për marrjen e certifikatës zhvillohen dy herë në vit.

Kandidatët duhet të testohen me sukses në gjuhën greke, në kuptimin dhe prodhimin e fjalës së shkruar, në kuptimin e fjalës së folur dhe në prodhimin e fjalës së folur.

Gjithashtu duhet t’u përgjigjet pyetjeve nga 4 tematika: gjeografi, histori, institucione politike dhe kulturë.

E gjithë banka e pyetjeve që ka përgatitur sekretariati i nënshtetësisë përbëhet 300 pyetje për gjeografinë, historinë, politikën dhe kulturën dhe nga 100 tekste për kuptimin dhe prodhimin e fjalës së shkruar, 100 ushtrime për kuptimin e fjalës së folur dhe 50 tema për prodhimin e fjalës së folur.

Të gjitha pyetjet që jepen në provim përfshihen në këto dy libra.

Kandidatët konsiderohet se kalojnë me sukses provimin dhe marrin certifikatën e njohurive, nëse grumbullojnë të paktën 70 pikë në provim.

Nga këto, të paktën 40 duhet të jenë në provimin e gjuhës.

Ndaje me miqte