Mbyllen për një muaj qendrat e shërbimit të emigrantëve

TV TRIBUNA 11 Mars 2020

Koronavirusi ka “goditur” edhe qendrat e shërbimit të emigrantëve, ty ku dhjetra e dhjetra qytetarë të huaj shkojnë për lejet e qëndrimit.

Gjithë këto qendra në gjithë Greqinë, do të qëndrojnë mbyllur për një muaj, nga data 11 mars deri më 13 prill.

Lajmi është bërë i ditur për TV Tribuna nga Fatos Malaj, ndërmjetës ndërkulturor në drejtorinë e shtetasve të huaj dhe emigracionit në Athinë.

Sipas zotit Malaj, pritet nga çasti në çast që vendimi përkatës të shpallet nga qeveria.

Fatos Malaj sqaroi se gjithë lejet e qëndrimit apo veveosit që do të duhej të rinovoheshin brenda kësaj periudhe, do të shtyhen automatikisht.

Më shumë detaje, do të japim pasi të publikohet vendimi.

Ndaje me miqte