Maunia del nga rruga, godet për vdekje dy shqiptarët në makinat e tyre

Tribuna TV 09 Maj 2018

Dy shtetas shqiptarë kanë humbur jetën orët e para të së mërkurës, pas një aksidenti në një prej akseve kryesore të Athinës.

Momenti i aksidentit është fiksuar nga kamerat e sigurisë dhe u transmetuan nga televizioni Alpha.

Sipas Mediave, viktimat janë Spiro Guri dhe Dhimitër Pabuko, të moshës 60 dhe 65 vjeç.]aksidenti ndodhi në rrugën nacionale Kifisos, kur një maune kaloi barrierat ndarëse të rrugës dhe kaloi në krahun tjetër, duke u përplasur me dy automjete ku ndodheshin dy viktimat.

Aksidenti ndodhi në orën 05,40 të së mërkurës. Drejtuesi 64 vjeçar i maunës është arrestuar. Sipas agjencisë së lajmeve ANA-MPA, dyshohet se ai ka qenë nën ndikimin e alkoolit në momentin e aksidentit.

Në njërën prej makinave ka qenë dhe një tjetër shtetase shqiptare, me moshë 34 vjeç, e afërme e viktimës Guri. Ajo është plagosur dhe ndodhet në gjendje të rëndë në pavionin e reanimacionit në spitalin Atikon.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.