Kush merr në fund të vitit 250 euro ndihmë financiare

TV TRIBUNA 23 Tetor 2022

Në parlamentin grek është paraqitur për votim akti normativ që përcakton kushtet dhe përfituesit e ndihmës emergjente, ose siç është quajtur, “çeku i shtrenjtësisë”.

Qëllimi i ndihmës është që të mbështeten sadopak shtresat në nevojë por edhe pensionistët me të ardhura të ulëta.

Përfitues të ndihmës janë 2,3 milionë qytetarë, përfshirë dhe mjaft emigrantë:

Pensionistët me të ardhura të ulëta,

Përfituesit e kompensimit të invaliditetit

Të moshuarit pa siguracion

Përfituesit e KEA-s

Përfituesit e kompensimit të fëmijës.

Masa përfshin edhe të papunët afatgjatë (nga 12 deri 24 muaj).

E njëjta ndihmë u dha edhe në Pashkët e këtij viti, por atëherë ishte 200 euro, ndërsa tani janë 50 euro më tepër, pra 250.

Kushtet

Të ardhurat vjetore personale nuk e kalojnë shumën 9.600 euro.

Të ardhurat vjetore familjare nuk janë më shumë se 16.800 euro.

Vlera totale e pasurisë së paluajtshme nuk i kalon 300.000 eurot.

Janë banorë tatimorë të Greqisë d.m.th., bëjnë deklaratë tatimore (forolojiki dilosi) në Greqi.

Përfituesit e KEA-s (kompensimi i solidaritetit social) do të marrin në dhjetor një këst të dyfishtë, d.m.th., nëse përfitojnë 300 euro në muaj, në dhjetor do të marrin 600 euro.

Përfituesit e kompensimit të fëmijës do të marrin një këst e gjysmë shtesë.

Vlera monetar për secilin prej përfituesve do të depozitohet në llogarinë që ai ka deklaruar në intervalin 15 deri 22 dhjetor 2022.

Ndaje me miqte