Kush ishin pjesëmarrësit e bisedimeve ruso-ukrainase?

ATSH 28 Shkurt 2022

MINSK, 28 shkurt /ATSH-ANSA/ – Është ministri ukrainas i Mbrojtjes, Oleksi Reznikov, një besnik i presidentit Zelensky, personi që po udhëheq delegacionin ukrainas në negociatat me palën ruse në Bjellorusi.

Në krye të delegacionit rus është Vladimir Medinsky, këshilltari i Putinit, ish-ministër i Kulturës (2012-2020), i njohur për nacionalizmin e tij ekstrem.

Në anën ukrainase të tryezës ndodhet edhe David Arakhamia, kreu i partisë së Zelenskyt, zëvendësministri i Jashtëm Mykola Tochytskyi, ish-ambasadori i Ukrainës në BE dhe më pas në Britaninë e Madhe Mikhailo Podoliak, këshilltari i presidentit dhe në këto ditë zëdhënësi i tij i palodhur për median, Rustem Umerov si dhe Andryi Kostin, zëvendëskreu i grupit të kontaktit tripalësh (Rusi-Ukrainë-OSBE) për një armëpushim në Donbas.

Sa i përket delegacionit rus, përkrah Medinskit ndodhen Alexander Fomin, zëvendësministër i Mbrojtjes dhe Andrei Rudenko, zëvendësministër i Jashtëm që nga viti 2019.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.