Kostur, sekuestrohen 130 kg kanabis, arrestohet 27 vjeçari shqiptar

TV Tribuna 03 Gusht 2018

Një shtetas shqiptar me moshë 27 vjeç është arrestuar në flagrancë dhe akuzohet për trafikimin e një sasie prej rreth 130 kg kanabisi.

Policia greke thotë në një komunikatë se arrestimi u krye pas një operacioni të koordinuar kundër trafikimit të drogës nga Shqipëria për në Greqi.

27 vjeçari u gjet në një zonë pyjore në rrethinat e Kosturit, ndërsa po ruante vendin ku ishte fshehur kanabisi.

Aty u gjetën 6 çanta udhëtimi dhe një thes, brenda të cilave ndodheshin 29 paketa me gjithsej 130 kg kanabis (saktësisht, 129,970).

Policia sekuestroi drogën, një telefon celular dhe një kartë sim, ndërsa i arrestuari u dërgua për procedim në prokurorinë e Kosturit.

Nga verifikimet rezultoi se ai kishte hyrë në mënyrë të paligjshme në Greqi, nga një shteg i kufirit të gjelbër.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.