Kompensimi i qirasë dhe i solidaritetit, kur paguhen

TV TRIBUNA 25 Gusht 2019

Si gjithmonë, edhe këtë fund muaji, në Greqi do të paguhen kompensimet dhe subvencionimet e ndryshme që u ofrohen qytetarëve në nevojë.

KOMPENSIMI I QIRASË

Do të paguhet të hënën, 26 gusht, për gjithë ata që aplikuan deri më 31 korrik dhe aplikimi i tyre u miratua.

Kompensimi u jepet 279.014 familjeve me gjithsej 738.000 pjesëtarë.

Për këtë qëllim buxheti i shtetit jep një shumë mujore prej 33,84 milionë euro.

Platforma elektronike vazhdon të mbetet e hapur, me qëllim që të interesuarit të mund të aplikojnë në çdo moment.

 

KOMPENSIMI I SOLIDARITETIT SOCIAL (KEA)

Të martën, 27 gusht do të paguhet kompensimi i solidaritetit social (KEA), për gjithë ata përfitues, aplikimet e të cilëve u miratuan deri më 31 korrik.

Do të paguhen gjithsej 57,6 milionë euro për 272.643 familje përfituese, me më shumë se 480.000 pjesëtarë.

Edhe platforma elektronike e kompensimit të solidaritetit vazhdon të mbetet e hapur, me qëllim që të interesuarit të mund të aplikojnë në çdo moment.

Ndaje me miqte