Ke aplikuar për nënshtetësinë greke? Ja ku do të pyesësh.

Tribuna TV 09 Tetor 2018

Gjithë personat që kanë aplikuar për nënshtetësinë greke dhe duan të pyesin se në ç’fazë ndodhet aplikimi i tyre, tashmë mund të telefonojnë direkt në drejtorinë e nënshtetësisë të Ministrisë së brendshme.

Siç bën të ditur zyra e shtypit e ministrisë, numri i telefonit ka nisur të funksionojë para disa ditësh.

“Me krijimin e zyrës së shërbimit telefonik përmbushim nevojat e të interesuarve për komunikim dhe informim, lidhur me ecurinë e kërkesës së tyre për natyralizim”, thuhet në njoftimin përkatës.

Të interesuarit mund të telefonojnë nga e hëna në të premte (me përjashtim të pushimeve zyrtare), dhe nga ora 10,00 deri 13,00, në numrin e telefonit: (+30) 2131361919.

 

Edhe në internet

Rruga tjetër për të mësuar mbi fatin e aplikimit, mund të klikojnë në faqen zyrtare të ministrisë së brendshme, ku në fund djathtas te kutia rozë, me emrin “POREIA KTISIS ITHAJENIAS – Ecuria e marrjes së nënshtetësisë) dhe të ndjekin udhëzimet.

Domethënë:

Klikojnë shërbimin ku e kanë dorëzuar aplikimin në bazë të qarkut,

Numrin e dosjes,

Emrin, mbiemrin,

si dhe shkruajnë simbolet e verifikimit në fund fare e pastaj shtypin “ANAZITISI”.

Të njëjtat veprime do të mund të bëni edhe në klikoni direkt te ky link

http://pf.emigrants.ypes.gr/pfIUA/

Ndaje me miqte