Tspras "?? Mitsotakis përplasje e ashpër në parlament

Tribuna TV 05 Korrik 2018

Në një përplasje të ashpër ndërmjet kryeministrit Aleksis Tsipras dhe shefit të opozitës Kyriakos Mitsotakis, ka evoluar gjatë pasdites debati parlamentar për gjendjen e ekonomisë greke.

Sa shefi i qeverisë, aq edhe ai i opozitës, kanë përdorur shprehje të ashpra në fjalimet e tyre. 

Tsipras e cilësoi Mtsotakisin “mashtrues politik” dhe “spekulant” që bën karrierë në bazë të parimit “sa më keq për popullin aq më mirë për ne”.

Nga ana e vet, Mitsotakis e cilësoi në mënyrë të përsëritur zotin Tsipras si “gënjeshtar”, “shpifës” dhe “kryeministër në largim”.

Përplasja ka vazhduar edhe gjatë ndërjyrjeve të dyta që ata kanë bërë. Tsipras i tha Mitsotakisit se është “definimi i termit korrupsion në historinë moderne politike2 dhe se me “paroksizmën tuaj të ekstremit të djathtë bëheni i rrezikshëm për vendin”.

Mitsotakis e akuzoi kryeministrin se madje edhe sot deklarohet krenar për referendumin e 5 korrikut 2015 që mbylli bankat, duke theksuar se atëherë Tsipras mashtroi gjithë krerët e opozitës duke u thënë se nuk do të bënte zgjedhje dhe pas 40 ditësh shkoi në zgjedhje të parakohshme.

Ndaje me miqte