Greqi, zbulohet një anije e mbytur e epokës klasike

ATSH 10 Nentor 2021

Një studim mbi zonat detare për ndërlidhjen nënujore Kretë-Peloponez ka treguar se është gjetur një anije e mbytur unike e epokës klasike, njoftoi Operatori i Pavarur i Transmetimit të Energjisë (IPTO).

Anija e rrallë u zbulua gjatë inspektimit të shtratit të detit pranë ishullit Kythira për ndërtimin e ndërlidhjes nënujore Kretë-Peloponez.

Sipas rezultateve paraprake të hulumtimit të kryer nga Eforati i Antikiteteve Nënujore dhe Qendra Greke për Kërkimet Detare (QHMR), me financim nga IPTO, anija e mbytur, e cila ndodhej në një thellësi prej 222 metrash, daton nga fundi i shekullit të V deri në mesin e shekullit të IV para Krishtit.

Në kuvertën e ngarkesës së anijes së fundosur u identifikuan amforat me origjinë nga Korfuzi, Skopelos dhe Kios, fakt që tregon për aktivitetin e zhvilluar tregtar në detin Egje dhe Jon.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.