Greqi, iu gjetën dhjetra katra identiteti gjermane e franceze, arrestohen dy shqiptarët

Tribuna TV 27 Shtator 2018

Dy shtetas shqiptarë janë arrestuar në Greqi, të akuzuar për falsifikim dokumentash.

Të dy ata, me moshë 41 dhe 38 vjeç, ishin drejtuesi dhe ndihmësi i një autobusi që po vinte nga Shqipëria.

Policia e ndaloi autobusin për kontroll në vendin e quajtur Komboti pranë Artës, në aksin rrugor janinë – Athinë.

Gjatë kontrollit, në një vend të fshehtë poshtë sediles së drejtuesit të mjetit u gjet një numër i madh dokumentesh të shteteve të huaja.

Konkretisht: 350 karta identiteti të paplotësuara, të autoriteteve gjermane dhe franceze, dhe 100 pulla bosh vizash gjermane.

Dokumentet e gjetura u sekuestruan, ashtu si dhe autobusi.

Dy të arrestuarit u dërguan në prokurorinë e Artës, ndërsa policia po vazhdon hetimet.

Dyshohet se dokumentet destinoheshin për një rrjet të trafikimit në BE të emigrantëve klandestinë.

Ndaje me miqte