Gëzimi shndërrohet në tragjedi për familjen shqiptare në Katerini

TV TRIBUNA 29 Nentor 2019

Gjyshërit kishin ardhur nga Shqipëria gjithë gëzim për të pritur beben që do të sillte në jetë vajza e tyre 29 vjeçare. Por shumë shpejt gëzimi u shndërrua në mort.

Nëna nuk arriti ta shihte krijesën e vet, pse një shok alergjik që iu shkaktua pas lindjes me prerje cezariane i mori jetën.

29 vjeçarja ishte martuar tash së fundi me njeriun e saj të dashur dhe prisnin fëmijën e parë.

Bebja erdhi në jetë, po nuk do ta njohë kurrë nënën e vet.

Gjatë trajtimit pas lindjes, mjekët i dhanë 29 vjeçares antibiotik ndaj të cilit organizmi i saj kishte alergji.

U dërgua me urgjencë në spitalin e Selanikut, ku pas gjashtë ditësh e humbi betejën...

Tashmë familje kërkon penalizimin e mjekëve të Katerinit, për shkak se i dhanë antibiotik në kohën që në librezën shëndetësore të saj thuhej se ishte alergjike ndaj Augmentinit.

Drejtori i spitalit e vërtetoi këtë, por tha se iu dha medikament tjetër, që gjithashtu kishte përbërje të ngjashme me augmentinin.

Ndaje me miqte