Dyfishohet kuota e subvencionimit për përdorimin e energjisë

TV TRIBUNA 10 Nentor 2021

Qeveria greke ka shpallur rritjen me më shumë se dy herë të subvencionimit të konsumit të energjisë elektrike për familjet dhe bizneset.

Duke shpallur paketën e re të masave, ministri i mjedisit dhe energjisë, Kostas Skrekas vuri në dukje që “mesazhi i qeverisë është se do të vazhdojmë të mbështesim shoqërinë, me qëllim që të mos mbetet asnjë familje e pambrojtur ndaj krizës energjetike që po përjeton Europa”.

Më konkretisht, në këto masa përfshihen sa më poshtë:

- Për konsumatorët shtëpiakë dhe bizneset që furnizohen nga rrjeti i tensionit të ulët, subvencionimi rritet për muajt nëntor dhe dhjetor në 39 euro në muaj, nga 9 euro që ishte për shtatorin dhe 18 euro për tetorin, me limit konsumimi gjithmonë 300 kwH në muaj.

Për përfituesit e faturës sociale familjare (Kinoniko Ikiako Timologio), subvenciomi bëhet 45 euro në muaj nga 24 euro që ishte për tetorin.

- Për konsumatorët e gazit natyror, përtej rritjes së subvencionimit të ngrohjes (në 170 euro nga 80 euro) dhe uljen 15% të taksës së posaçme për konsumin shtëpiak, do të zbatohet pezullimi i taksës së përdorimit për muajt nëntor dhe dhjetor. Për një familje me konsumim 2 Megavatorë në muaj, siç tha ministri, ulja do të jetë 20-40 euro në muaj. Taksa e përdorimit do të vendoset nga viti 2022, kur do të ulen çmimet e gazit natyror.

- Për bizneset (industri që furnizohet me tension të ulët dhe të mesëm) pezullohen për 5 muaj (nga nëntori deri në mars 2022), faturimet për shërbimet e dobisë së përbashkët (ipiresies kinis ofelias).

Ndaje me miqte