Dani Alves largohet nga PSG

TV TRIBUNA 24 Qershor 2019

Menjëherë pas kualifikimit të Brazilit në çerekfinalet e Kupës së Amerikës, mbrojtësi Dani Alves bëri një postim në Instagram, ku njoftoi edhe largimin nga klubi francez Paris Saint Germain, ku militon prej dy sezonesh.

Në fakt kjo ishte një çështje që diskutohej prej javësh, pasi mbrojtësi brazilian kishte ngurruar të firmosë kontratën e re me klubin francez, por vetëm tani doli hapur dhe njoftoi se nuk do të vazhdojë më eksperiencën në Paris.

“Në jetë gjithçka mbaron, ndaj falënderoj klubin e PSG-së që më dha mundësinë të shkruaj një faqe të historisë së tij. Dy vite gjatë të cilave jam angazhuar maksimalisht për të përmbushur misionin. Kërkoj ndjesë nëse ndonjëherë nuk kam qenë në lartësinë e duhur”, shkroi Dani Alves në Instagram.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.