COVID-19, mbyllen dy qendra shërbimi të emigrantëve

Tribuna TV 29 Shtator 2020

COVID-19 ka goditur edhe qendrat e shërbimit të emigrantëve.

Në një prej tyre janë konfirmuar disa raste të reja ndër punonjësit.

Bëhet fjalë për qendrën e shërbimit të emigrantëve B Athinë, në rrugën Petru Rali dhe Salamina.

Lajmin e ka bërë të ditur për TV Tribuna bashkëpunëtori ynë Fatos Malaj, ndërmjetës ndërkulturor në qendrën e shërbimit A Athinë.

Zoti Malaj ka shtuar se dy qendrat e shërbimit në Petru Rali, A dhe B, nuk do të funksionojnë të mërkurën, të enjten dhe të premten.

Dhe kjo pasi gjithë punonjësit i janë nënshtruar testit dhe po priten përgjigjet.

Zoti Malaj ka apeluar edhe një herë ndaj qytetarëve që kur të shkojnë në qendrat e shërbimit, të mbajnë maskë mbrojtëse edhe në ambientet e jashtme.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.