Cila është modelja më e moshuar në botë?

ATSH 08 Prill 2024

LONDËR, 8 prill /ATSH/ – Quhet Daphne Selfe dhe në moshën 95-vjeçare është zyrtarisht modelja më e moshuar në botë, shkruan il messaggero.it.

Flokë të gjatë të bardhë, buzëqeshje dhe humor të mirë, ajo (ri)nisi modelingun në moshën 70-vjeçare dhe që atëherë është ndër modelet më jetëgjatë në biznesin e modës.

E lindur në vitin 1928 në Londër, Daphne bëri debutimin e saj në pasarela në moshën 21-vjeçare thuajse rastësisht, me një konkurs për fytyrën e re të kopertinës së një reviste lokale.

Më pas, karriera e saj u ndal për shkak të zgjedhjes për t’iu përkushtuar bashkëshortit dhe tre fëmijëve.

Në vitin 1998, pas vdekjes së Jim Smith, bashkëshortit të saj producent, ajo u kthye në pasarela në Londër.

Prej andej kopertinat dhe reklamat nuk u ndalën kurrë, nga ”Vogue” te ”Dolce&Gabbana”.

Një gotë shampanjë, brokoli dhe kujdes për lëkurën pa kremra të shtrenjtë, i domosdoshmi i saj është në fakt kremi Nivea, siç ka treguar në një intervistë të fundit.

Gjithashtu nuk mungon vitamina D dhe një jetë shoqërore plot miq.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.