Boris Johnson, nën presion pas largimit nga COP26 me avion privat

ATSH 05 Nentor 2021

LONDËR /ATSH-DPA/ – Kryeministri britanik, Boris Johnson thuhet se iku nga samiti i klimës, COP26, në Skoci, me një avion privat për të marrë pjesë në një darkë me ish-redaktorin e ”Daily Telegraph”, Charles Moore.

”Daily Mirror” pretendon se kryeministri u largua nga konferenca në Glasgou në orën 18:20 dhe mbërriti në London Stansted në orën 19:16, përpara se të shkonte në klubin privat ”Garrick” vetëm për një darkë me ish-gazetarët e ”Telegraph”.

Largimi i Johnson u kritikua si “hipokrizi shqetësuese” nga kreu i Partisë Laburiste, Anneliese Dodds, pasi kryeministri hapi samitin duke iu lutur delegatëve të ndalonin “mbulimin e Tokës nën një batanije të padukshme me CO2”.

Dodds tha se “kjo është hipokrizi e pabesueshme nga ana e kryeministrit, pasi paralajmëroi liderët botërorë se duhet parandaluar katastrofën klimatike”.

“Duket se kur bëhet fjalë për marrjen e masave për të trajtuar krizën klimatike, ekziston një rregull për konservatorët dhe një rregull tjetër për pjesën tjetër të botës”, theksoi Dodds.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.