Argjentina, finalistja e parë, pas fitores kundër Kroacisë

TV TRIBUNA 14 Dhjetor 2022

Argjentina kaloi sot në finalen e Kampionatit Botëror të futbollit, Katar 2022, pas fitores kundër Kroacisë me rezultatin 3-0, sipas pamjeve televizive.

Pjesa e parë e ndeshjes përfundoi me rezultatin 2-0, fillimisht me golin e Mesit (34′), pas gjuajtjes së një penalltie.

Vetëm pas pesë minutash, Alvarez (39′) dyfishoi rezultatin, pas një inkursioni nga mesfusha deri në portën e mbrojtur nga Livakoviç.

Në pjesën e parë, kroatët nuk gjuajtën asnjëherë në portën e mbrojtur nga Martinez.

Në pjesën e dytë, argjentinasit shënuan edhe golin e tretë me Alvarez (69′), pas një pasimi të Mesit bremda zonës së rreptësisë.

Argjentina do të ndeshet në finale, më 18 dhjetor (16:00h), me fituesin e ndeshjes së nesërme mes Francës dhe Marokut, që do të zhvillohet në orën 20:00.

Ndërkohë, Kroacia do të ndeshet për vendin e tretë me humbësin e ndeshjes së sipërcituar, më 17 dhjetor..

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.