Ambasada greke në Tiranë transferohet në godinë të re

Tribuna TV 08 Maj 2018

Pas 47 vjetësh, Ambasada greke në Tiranë ka ndërruar selinë dhe është vendosur në një godinë të re.

Siç njofton zyra e shtypit e Ambasadës, selia e re ndodhet shumë afër të vjetrës. Adresa e re është: Rr. “Skënderbej”, nr. 88, KP.: 1023; Tiranë.

Sipas zyrës së shtypit, “Në ndërtesën e re moderne dhe funksionale janë vendosur të gjitha departamentet e Ambasadës (departamenti Politik, Zyra Konsullore, Zyra e Çështjeve Tregëtare dhe Ekonomike, Zyra e Atasheut të Mbrojtjes, Zyra e Shtypit dhe Komunikimit, Zyra e Ndërlidhësve Policorë).

Ndër përfitimet e transferimit janë përmirësimi i ambienteve të punës dhe i ofrimit të shërbimeve drejt publikut si dhe ulja e shpenzimeve funksionale të Ambasadës.

Numrat e kontaktit të Ambasadës mbeten të njëjtë. Funksionimi i centralit qendror telefonik do të rikuperohet në ditët në vijim, deri në atë moment mund të komunikoni me Ambasadën nëpërmjet email-ve”, thuhet në njoftimin e publikuar në profilin e ambasadës në Facebook, “Greqia ne Tiranë”.
 

Ndaje me miqte