Aegean Airlines investon 5 miliardë dollarë për blerjen e 42 avionave Airbus

Tribuna TV 28 Mars 2018

Kompania ajrore Aegean Airlines ka avancuar në nënshkrimin e një kontrate paraprake me kolosin Airbus, për blerjen e 42 avionave të rinj tip A320neo, me vlerë totale 5 miliardë dollarë.

Gjatë një konference për shtyp, nënpresidenti i Aegean, Eftihios Vasilakis, theksoi se është fjala për investimin më të madh privat në Greqi dhe se marrëveshja përfundimtare do të nënshkruhet verën e sivjetme.

“Me investimin në avionat e teknologjisë së avancuar ripërtërijmë premtimin tonë për shërbime cilësore ndaj pasagjerëve tanë, forcojmë kompetivitetin, shumëfishojmë aftësitë dhe kualifikimin e njerëzve tanë, përmirësojmë dhe më shumë imazhin e vendit tonë”, tha Vasilakis.

Avionat e rinj ofrojnë mundësinë e shërbimeve të reja ndaj pasagjerëve, por edhe për shtrijren në destinacione dhe tregje të reja.

Në vitin 2017, flota e Aegean Airlines kishte 47 aviona jet të familjes A320 dhe 12 aviona turbopro.marrëveshja e tanishme përbën pjesë të një programi për shtimin dhe rinovimin e flotës së kompanisë, që pritet të finalizohet në periudhën 2010-2015.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.