Në qarkullim libri i ri poetik i Luan Xhulit

26 Qershor 2015

Siç ka bërë të ditur poeti Agim Mato me një postim në facebook, këto ditë ka dalë në qarkullim nga shtëpia botuese "Milosao" vëllimi i ri poetik i Luan Xhulit me titull "Jeshile". Libri përmbledh 120 poezi në 132 faqe dhe shoqërohet me një përcjellje nga redaktori i tij poeti Grigor Jovani. Luani lindi në Baban të Devollit. Studioi Kimi industriale dhe punoi në sektorin e naftës, në Kuçovë. Prej vitit 1995 jeton dhe punon në Athinë. Eshtë autor i librave: Në shqip: “Besoj” (poezi) - 1990. “Maska e kohës” (poezi) - 2000 “Një firmë më shumë” (poezi) - 2006 “Diten ëndërroj, natën e lë zgjuar” (poezi) - 2008 “Në emër të pasurisë sime” (poezi) - 2012 “Ariani” (novelë) - 2007 “Ku po shkon, o Devolli?” (tregime dhe kujtime) - 2008 Në greqisht: “Mbaj erë mollë” (Mirizo milo) - 2003 - poezi “Biografia e syve” (I biografia ton mation) - 2006 - poezi “Ku të kërkoj të falur” (Pu na zitiso signomi) - 2009 - poezi “Engjëlli tradhtar” (Ajios prodhotis) - 2014 - poezi “Qiparisi që donte të matej me qiellin” (To kiparisi pu ta evale me ton urano) - 2008 -përalla për fëmijë, me ilustrime. Eshtë nderuar me tituj dhe çmime të ndryshme.. Nga ana e klubit të shkrimtareve në emigracion “Drita” në vitin 2008 ështe nderuar me çmimin poetik “Ali Asllani”, si liriku më i mirë i vitit. Libri poetik “Biografia e syve” në gjuhën greke u vlëresua ndër 38 vëllimet poetike më të mira te vitit, duke u përfshirë në antologjinë e poezisë greke, vlerësim nga më të veçantët për një krijues të huaj. Vëllimi i fundit ”Agjios Prodhotis” ( Engjëll tradhëtar) u rreshtua në dhjetë vëllimet poetike më cilesorë te vitit 2014. Eshtë anëtar i “Klubit të poeteve grekë” të Athinës. Ka marë pjesë në katër festivale ndërkombëtare, në gjininë e poezisë.

Ndaje me miqte