Kotzias: &ldquoMinoriteti dhe emigrantët ura miqësie. Unë mburrem me studentët shqiptarë&rdquo

Tribuna 29 Tetor 2017

Gjatë konferencës për shtyp me gazetarë grekë dhe të huaj të akredituar në Athinë, ministri i jashtëm grek, Nikos Kotzias u ndal dhe në rolin e minoritetit grek në Shqipëri dhe të emigrantëve shqiptarë në Greqi, që ai i cilësoi si “ura miqësie” “Besojmë se se duhet të ketë një komunikim më të mirë me minoritetin, respekt më i madh dhe të mos t’u jepet ushqim atyre që besojnë - unë nuk u përkas atyre- se disa duan ta çrrënjosin minoritetin nga Shqipëria. Pra, duhet ta mbrojmë minoritetin. Minoriteti grek është një urë miqësie ndërmjet Greqisë dhe Shqipërisë, ashtu si dhe emigrantët shqiptarë këtu. Kemi fatin si familje të të punojë në shtëpinë tonë një herë në javë një grua nga Shqipëria, të cilën e kemi si vajzën tonë. Kam fatin të jem pedagog dhe të shoh se shpesh, ndër dhjetë studentët më të mirë, gjysmat janë shqiptarë. Njëlloj dhe në studimet pasuniversitare. Në tërësinë e studentëve shqiptarët përfaqësojnë 5%, mirëpo ndërmjet atyre që dallohen shpeshherë shqiptarë janë 50% e tyre. Unë mburrem me këta studentët tanë shqiptarë. Mburrem për ata njerëz dhe nuk e dini se sa i lumtur ndihem kur shkoj në Tiranë dhe shoh se katër nga studentët e mi janë sot pedagogë në Universitetin e Tiranës. Këta njerëz janë ura. Nuk është nevoja t’i shkatërrojmë. Përkundrazi t’i bëjmë më të bukura. T’i lemë të lulëzojnë. Ky është mendimi im. Në Europë është e zakonshme të diskutojmë për të drejtat e minoriteteve, për të drejtat e njeriut, për të drejtën e pronës. Përndryshe, në Këshillin e ministrave, siç e dini, këto janë vendosur si kushte. Kushtet janë pesë. Komisioni Europian - po jua kujtoj të gjithëve- erdhi me një kusht në këshillin e ministrave. Mirëpo Komisioni nuk është i plotfuqishëm. Jemi dhe ne. Në këshill, ministrat vendosën pesë kushte. Komisioni u pezmatua për këtë, donte vetëm një kusht, por është i angazhuar për të pestat. Për këto pesë kushte çdo shtet anëtar ka të drejtë të ketë mendimin e vet nëse përmbushen apo jo. Dhe nga këto pesë kushte që të hapen negociatat e anëtarësimit me Shqipërinë, njeri është për të drejtat e minoriteteve. Rrjedhimisht kemi të drejtë që të kemi opinion”, deklaroi ministri i jashtëm grek.

Ndaje me miqte