Arrestohet shqiptari akuzohet se hodhi pakistanezin nga kati i 3të

TRIBUNA 22 Janar 2017

Një shtetas shqiptar i moshës 30 vjeç është arrestuar në rajonin e policisë në Patisia - Athinë, pasi ndaj ishte ishte nxjerrë një urdhër arresti. Akuzat kundër shtetasit shqiptar janë tentativë vrasjeje me paramendim dhe grabitje. Sipas komunikatës zyrtare të policisë, më 18 janar 2017, 30 vjeçari me një bashkëpunëtor tjetër, duke u paraqitur si punonjës policie, ndaluan në hyrjen e banesës një shtetas pakistanez dhe e detyruan të ngjiteshin në apartamentin e tij. Aty, pasi më parë e lidhën me pranga tek tubat e kaloriferit, kontrolluan apartamentin duke marrë para, pajisje elektronike dhe telefona celularë. Kur viktima e kuptoi se ata nuk ishin policë, nisi të thërriste. Ata ia hoqën prangat dhe e hodhën nga ballkoni i katit të 3-të me qëllim që ta ekzekutonin, vërehet në komunikatën e policisë. Viktima ra në tarracën e një godine fqinje, duke u plagosur në këmbët dhe në mes. I arrestuari u dërgua në prokurori ku iu komunikuan akuzat për tentativë vrasjeje me paramendim dhe grabitje, ndërkohë që po kërkohet edhe bashkëpunëtori i tij.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.