7 vjet i arratisur, shqiptari kapet pasi vjedh bankën

TV TRIBUNA 08 Gusht 2019

Policia greke ka arrestuar një shtetas shqiptar që akuzohet për grabitjen e armatosur të një banke në qytetin veriperëndimor, Parga.

Grabitja ndodhi të hënën paradite, kur i arrestuari dhe një person tjetër u futën në filialin e një banke të maskuar me kapele dhe syze dielli dhe bërtitën “grabitje”. Më pas ata kërcënuan me armë arkëtarin i cili u dha sa para kishte gjendje: 26.630 euro dhe 200 dollarë amerikanë. Para se të largoheshin ata qëlluan një herë në ajër.

Sipas policisë, 35 vjeçari shqiptar u arrestua në qytetin e Prevezës.

Gjatë kontrollit në banesën që ai e kishte marrë përkohësisht me qira, u gjetën dhe u sekuestruan 8.240 euro dhe 100 dollarë që mendohet se janë produkt i grabitjes.

Një pistoletë me kalibër 9 mm, një kartë identiteti italiane e falsifikuar dhe tre telefona celularë.

I arrestuari është person me precedentë të rëndë penale. Ai ndodhej në kërkim që prej vitit 2012, kur kishte dalë me leje nga burgu i Patras ku vuante dënimin me 12 vjet për grabitje të armatosur.

Gjithashtu ai ishte dënuar në mungesë me 19 vjet burg, për një tjetër grabitje me armë.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.