14 ditë karantinë kush hyn në Greqi. Mbyllen gjithë njësitë tregtare

TV Tribuna 16 Mars 2020

Qeveria greke ka vendosur që kushdo që hyn në territorn grek duhet të qëndrojë detyrimisht 14 ditë në karantinë në banesë.

Gjithashtu, u vendos që nga dita e mërkurë do të mbyllen gjithë njësitë tregtare.

Nga kjo masë përjashtohen farmacitë, supermerkatat, pikat e furnizimit me karburant, ndërmarrjet e furnizimit ushqimor dhe institucionet bankare.

Masat u vendosën të hënën në mesditë gjatë një elekonference që kryeministri Mitsotakis zhvilloi me udhëheqjen e ministrisë së shëndetësisë.

Gjithashtu, sa i përket qarkullimit të mjeteve, u vendos të hiqet unaza në qendër të Athinës, çka do të thotë se mund të lëvizin të gjitha mjetet, pavarësisht nga numri që përfundon targa e tyre.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.