"Juventus"? tenton blerjen e Salah

ATSH 12 Shkurt 2019

“Juventus” po trazon gjithnjë e më shumë tregun e transferimeve me “Zonjën e Vjetër”, e cila nuk ka ndërmend t’i vendosë kufi fantazisë së saj.

Pasi realizuan goditjen e “shekullit” duke transferuar Ronaldon në Torino, për drejtuesit e klubit bardhezi asgjë nuk është e pa mundur.

Nga Anglia vjen një lajm i bujshëm, ku sipas “The Guardian”, “Juve” ka kontaktuar Mohamed Salah.

Mediet italiane nuk shohin asgjë të çuditshme në këtë pjesë, fundja “Juventus” është një klub i madh dhe është gjithnjë në kërkim të lojtarëve më të mirë në botë, Salah është pa diskutim njëri prej tyre.

Egjiptiani zhvilloi një sezon të jashtëzakonshëm me “Liverpool” vitin e shkuar duke dërguar të kuqtë deri në finalen e Champions League.

Edhe këtë sezon Salah nuk stonon me shifrat e tij: 17 gola në Premier League, 3 në Champions dhe 8 asiste.

Me pak fjalë “Momo” është një “top player” dhe “Juventus” e di se nuk do të jetë aspak e lehtë t’ia rrëmbejë “Liverpool”.

Gjithnjë sipas “The Guardian”, për të siguruar shërbimet e Salah duhen afërsisht 175 milion euro, një shumë e madhe të cilën “Juve” kërkon ta minimizojë duke futur në tratativa edhe Paolo Dybala.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.