Gazeta Tribuna është e vetmja gazetë shqiptare që botohet në Greqi, nga firma R & D Publications, me pronësi krejtësisht shqiptare. Numri i parë qarkulloi më 19 shkurt 2004.

Gazeta ka si target grup kryesor emigrantët shqiptarë që jetojnë e punojnë në Greqi.

Gazeta qarkullon çdo të premte dhe shpërndahet në 2.500 pika në gjithë Greqinë; po ashtu ajo shpërndahet me një numër të kufizuar edhe në Shqipëri, në Tiranë dhe disa nga qytetet kryesore.

TRIBUNA është një gazetë e pavarur, dhe shquhet për saktësinë, objektivitetin dhe paanshmërinë e saj, duke u shndrruar në një tribunë të vërtetë informimi, mendimi e debati, për çdo emigrantë shqiptar që punon e jeton në Greqi, por edhe më gjerë.

Lënda e gazetës përbëhet nga lajme nga Shqipëria, Greqia dhe nga bota. Veçanërisht i mëshohet informacionit lidhur me problemet e përditshme të emigrantëve shqiptarë në Greqi dhe sidomos procesit të legalizimit, nëpërmjet shkrimeve të ndryshme sqaruese që kanë të bëjnë me rinovimin e lejes së qëndrimit, çështjet e sigueimeve shoqërore dhe atë të tatimeve, dhe në përgjithësi çështjet praktike të realitetit grek, ku janë përfshirë edhe vetë emigrantët.

TRIBUNA i kushton një vend shumë të rëndësishëm zhvillimeve në Shqipëri, duke promovuar kryesisht lajmet me karakter pozitiv që dëshmojnë për progresin e Atdheut në rrugën e arritjes së objektivave ekonomike dhe socialë, si dhe ecurinë e procesit të integrimit europian. Tribuna është (dhe shfaqet) krejtësisht e pavarur, duke u lejuar hapësirë gjithë pikëpamjeve politike. Tribuna, në sendërtim të logos së saj si “gazeta e komunitetit shqiptar në Greqi”, pasqyron në mënyrë të zgjeruar gjithë veprimtaritë e zhvilluara nga bashkatdhetarët, ndërkohë që ka një rubrikë sportive tepër cilësore.

Në stafin e gazetës bëjnë pjesë gazetarë profesionistë dhe korrespondentë të mediave shqiptare e të huaja, të akredituar në Athinë. Gjithashtu, bashkëpunëtorë të rregullt të gazetës janë gjithë emrat më të shquar të inteligjencies shqiptare që kanë emigruar prej shumë vitesh në Greqi dhe që po ashtu gëzojnë respekt të madh në radhët e emigracionit shqiptar. Në të gjitha rrethet e mëdhenj ku është përqëndruar emigracioni shqiptar Tribuna ka korrespondentët e saj çka sjell si rezultat pasqyrimin e shpejtë dhe të saktë të gjithë veprimtarisë së komunitetit në gjithë Greqinë.

Tribuna është shndrruar në pikën më të preferuar të takimit të emigrantëve shqiptarë, përfshirë shoqatat e tyre, ndërsa ka qenë vazhdimisht prezente në të gjitha veprimtaritë e emigrantëve, qoftë nëpërmjet sponsorizimit financiar, qoftë nëpërmjet propagandimit dhe nxitjes së këtyre veprimtarive.

Në kuadër të Tribunës përfshihen edhe botimet e ndryshme me karakter informativ, si Udhëzuesi i Emigrantit, që botohet çdo fundviti, apo dhe Kodi i Qarkullimit Rrugor grek, Fjalorth termash të përditshëm, që shpërndahen falas bashkë me gazetën.



E Premte, 26 Tetor 2007