Prokuroria e Selanikut është duke hetuar lidhje të dyshimta midis policëve dhe trafikantëve të drogës.

Bëhet fjalë për tre raste: nga Pela, Dhrama dhe Magnisia, për të cilat, prokurori Jorgos Bobolis, porositi hetime më të detajuara.

Dy rastet e para i përkasin policëve nga Antidroga e Janicasë dhe Dhramës, të cilët duket të kenë dëshmuar në favor të të akuzuarve për trafik, duke iu siguruar atyre kushte më të lehtësuara dënimi, për bashkëpunim me forcat e rendit.

Rasti i tretë i përket qytetit Volos, ku u arrestua një i dyshimtë pa u njoftuar prokuroria, duke shtuar edhe falsifikime në dosjen përkatëse.

Këto çështje i përkasin dyvjeçarit 2008-2009.

E Premte, 05 Mars 2010