Policia ka arrestuar dy mjeke të spitalit “Thriasios”, pas denoncimit të një qytetari, i cili tha se i kërkuan 2.400 euro për një ndërhyrje kirurgjikale.

Doktoreshat, që specializohen për operacione plastike, u arrestuan me akuzën e korrupsionit, shantazhit dhe të shkeljes së ligjit për ligjërimin e të ardhurave nga veprimtari kriminale.

Pacienti kishte rënë dakort të parapaguante 1.500 euro dhe pjesën tjetër do e dorëzonte pas përfundimit të operacionit.

Më vonë, ai e denoncoi shantazhin tek drejtori i spitalit në fjalë e ky i fundit nga ana e tij thirri policinë.

Paratë ishin të shënuara nga agjentët e specializuar dhe u dhanë nga akuzuesi, duke konfirmuar kështu edhe me fakte shkeljen e punonjësve të shëndetit publik.

E Premte, 05 Mars 2010