Të hënën, grevë 24 orëshe në Greqi

Tribuna

Greqia do të paralizohet të hënën nga një grevë e përgjithshme 24 orëshe, e dyta që nga e premtja.

Asnjë nga mjetet e transportit nuk do të funksionojë, gjë që pritet të shkaktojë një kaos të vërtetë për trafikun e kryeqytetit Athinë.

Në grevë do të përfshihen edhe kontrollorët e trafikut ajror. Shumë fluturime të linjave të brendshme nuk do të kryhen të hënën, ndërdsa do të ketë ndryshime orari për dhjetra linja të tjera, përfshirë ato ndërkombëtare.

Greva e re do të zhvillohet në ditën që parlamenti grek do të ftohet të votojë paketën e masave të reja shtrënguese, si kusht për çlirimin e kësteve të mbetura nga 86 miliardë eurot që kanë ofruar kreditorët ndërkombëtare për shpëtimin e vendit.

Greva organizohet nga dy unionet më të mëdha sindikale në vend që përfshijnë punonjësit e sektorit publik dhe të atij privat.

Sindikalistët nënvizojnë se paketa e re e masave “do të shpërbëjë edhe ato mbetje të pakta të shtetit social që kishin shpëtuar gjatë viteve të krizës”.

Sindikalistët i ftojnë punonjësit e të gjithë vendit që t’u bashkohen protestave, “për të shprehur kundërshtimin ndaj politikës anti popullore të qeverisë”.

14 Janar 2018

FOTO GALERI


  • Organizata e emigrantëve “Arogji-Përkrahja”në 3 vjetorin e krijimit

  • SHQIPËRI-FRANCË: 1-0

  • “Vatra Labe” nderon mikun e shqiptarëve, shkrimtarin Dinos Kubatis

  • Qarkorja e re: Siguracioni dhe të ardhurat, pikat kyçe për lejet e qëndrimit

  • Shqipëri-Kosovë, mbledhja e përbashkët në Tiranë

  • Koferenca e Federatës së Shoqatave Shqiptare në Greqi

  • PREZANTIM LIBRI NE DETROIT

  • album2