KE: 2018-a viti i mundësisë për Ballkanin Perëndimor

Në një analizë rajonale, Komisioni Evropian thekson se po punon për një strategji të re për Ballkanin Perëndimor, ndërkohë që u kërkon vendeve të shfrytëzojnë shansin për perspektivën e tyre evropiane.

Zëdhënësja e KE-së, Maja Koçijançiç tha se 2018-a ishte viti i mundësisë për vendet ballkanike për të ndërmarrë hapa të pakthyeshme në rrugën e integrimit evropian.

Megjithatë, Koçijançiç theksoi se për të arritur këtë qëllim vendet duhet të ndërmarrin reforma, veçanërisht në fushat e shtetit të së drejtës, drejtësisë dhe të drejtave themelore.

”BE nuk do të bëjë kompromise për kushtet e anëtarësimit. Çdo progres serioz është kusht për reforma efektive”, shpjegoi ajo.

Në analizën kushtuar Shqipërisë, BE-ja beson se ”Shqipëria ka treguar një ecuri të qëndrueshme në të pesta prioritetet kryesore të kërkuara me qëllim ecjen para në integrimin drejt BE-së, reforma në administratën publike, reforma në drejtësi, lufta ndaj krimit të organizuar dhe korrupsionit dhe të drejtat e njeriut”.

“Tani është duke zbatuar reformën në drejtësi dhe në veçanti vetingun e gjygjtarëve dhe të prokurorëve. Ky proces monitorohet nga një Operacion Ndërkombëtar Monitorimi drejtuar nga Komisioni Evropian”, tha Koçijançiç.

Raporti nënvizoi se, ashtu siç edhe theksoi presidenti i BE-së Jean-Claude Juncker, “nëse vazhdohet në rrugën e reformave, Komisioni ka si qëllim të rekomandojë hapjen e negociatave për anëtarësim për vendin brenda gjashtë muajve të ardhshëm”.

03 Janar 2018

FOTO GALERI


  • Organizata e emigrantëve “Arogji-Përkrahja”në 3 vjetorin e krijimit

  • SHQIPËRI-FRANCË: 1-0

  • “Vatra Labe” nderon mikun e shqiptarëve, shkrimtarin Dinos Kubatis

  • Qarkorja e re: Siguracioni dhe të ardhurat, pikat kyçe për lejet e qëndrimit

  • Shqipëri-Kosovë, mbledhja e përbashkët në Tiranë

  • Koferenca e Federatës së Shoqatave Shqiptare në Greqi

  • PREZANTIM LIBRI NE DETROIT

  • album2