Polonia nën kërcënimin e sanksioneve të paprecedenta të BE-së për shtetin e së drejtës

ATSH- AFP

BRUKSEL, 20 dhjetor /ATSH-AFP/ – Pas muajsh paralajmërimesh, Komisioni Evropian nisi sot kundër Polonisë një procedurë të paprecedentë, që mund të shkojë deri në privimin e vendit nga të drejtat e votës në BE, nëse nuk heq dorë nga reformat e saj mjaft të diskutueshme gjyqësore.

Ekzekutivi evvropian njoftoi qëllimin e tij për aktivizimin e nenit 7 të traktatit të BE-së, parashikuar në rast të kërcënimeve që lidhen me shtetin e së drejtës në një shtet evropian, dhe shpesh i cilësuar ”armë bërthamore” në mesin e sanksioneve të mundshme nga ana e Unionit.

Qeveria polake, që mbron prej muajsh të drejtën e saj për të reformuar një sistem gjyqësor i cilësuar i vjetëruar, ka denoncuar menjëherë si një vendim ”politik dhe jo gjyqësor”, që dëmton besimin e ndërsjelltë mes Varshavës dhe Brukselit.

“Kundër vullnetit tonë aktivizuam nenin 7”, deklaroi më herët për median zëvendëspresidenti i Komisionit, Frans Timmermans, por faktet nuk na lënë zgjedhje tjetër, nuk kemi më alternativë tjetër.

Nisur nga fakti i një seri reformash, aparati gjyqësor polak është tashmë sipas Komisionit nën kontrollin politik të shumicës në pushtet, e zotëruar nga konservatorët e partisë konservatore nacionaliste Ligj dhe Drejtësi (PiS).

20 Dhjetor 2017

FOTO GALERI


  • Organizata e emigrantëve “Arogji-Përkrahja”në 3 vjetorin e krijimit

  • SHQIPËRI-FRANCË: 1-0

  • “Vatra Labe” nderon mikun e shqiptarëve, shkrimtarin Dinos Kubatis

  • Qarkorja e re: Siguracioni dhe të ardhurat, pikat kyçe për lejet e qëndrimit

  • Shqipëri-Kosovë, mbledhja e përbashkët në Tiranë

  • Koferenca e Federatës së Shoqatave Shqiptare në Greqi

  • PREZANTIM LIBRI NE DETROIT

  • album2