Ministria e Emigracionit: Lejet e qëndrimit dhe integrimi, dy akset e politikës për emigrantët e ligjshëm

Tribuna
Zëvendësministri i Politikave të Emigracionit, Janis Balafas

Zëvendësministri i Politikave të Emigracionit, Janis Balafas, ka theksuar se ky dikaster punon në dy drejtime kryesore sa u përket emigrantëve të ligjshëm.

Sipas zotit Balafas, numri i emigrantëve të pajisur me leje të rregullt qëndrimi në Greqi, është rreth 600.000.

Gjatë një interviste në televizionin publik ERT, të hënën, zoti Balafas ka thënë se ai promovon dy akse kryesore.

“Njeri lidhet me lejet e qëndrimit, që kanë shumë rëndësi për njerëzit që jetojnë këtu, sepse duhet t’i rinovojnë”, ka thënë zëvendësministri i emigracionit, duke shtuar se në pjesën e lejeve të qëndrimit i kushtohet rëndësi e veçantë investitorëve që duan të vijnë në Greqi për të zhvilluar aktivitetin e tyre ekonomik.

“Aksi tjetër, është integrimi gradual dhe i kujdesshëm i emigrantëve që jetojnë prej shumë vjetësh në Greqi”, ka vazhduar Balafas, duke sqaruar se “ky integrim do të bëhet gjithmonë në ekuilibër me nevojat e qytetarëve të vendit në realitetin ekonomik dhe social të Greqisë”.

Procesi i integrimit do të përfshijë, “qoftë mësimin e gjuhës greke, qoftë me evidentimin e aftësive profesionale të emigrantëve dhe, në një fazë tjetër, me nxitjen e tyre për veprimtari të ligjshme ekonomike”, ka përfunduar zëvendësministri i Politikës së Emigracionit, Janis Balafas.



04 Dhjetor 2017

Shqiptari dhe greku arrestohen me 3 kg kokainë

Një shtetas shqiptar dhe një grek janë arrestuar në Iraklion, kryeqendra administrative e ishullit të Kretës. Ata akuzohen për posedimin dhe trafikimin e sasive të mëdha të drogave të forta.

FOTO GALERI


  • Organizata e emigrantëve “Arogji-Përkrahja”në 3 vjetorin e krijimit

  • SHQIPËRI-FRANCË: 1-0

  • “Vatra Labe” nderon mikun e shqiptarëve, shkrimtarin Dinos Kubatis

  • Qarkorja e re: Siguracioni dhe të ardhurat, pikat kyçe për lejet e qëndrimit

  • Shqipëri-Kosovë, mbledhja e përbashkët në Tiranë

  • Koferenca e Federatës së Shoqatave Shqiptare në Greqi

  • PREZANTIM LIBRI NE DETROIT

  • album2