Tsipras: Aventura e Greqisë do të përfundojë në 2018-ën

Aventura e Greqisë do të përfundojë në gusht të 2018-ës, deklaroi kryeministri grek, Aleksis Tsipras gjatë një interviste për gazetën e përditshme franceze “Le Figaro”.

“Për herë të parë, unë besoj se kjo nuk mbetet vetëm një ëndërr”, tha ai.

“Populli grek ka bërë sakrifica të mëdha gjatë këtyre shtatë viteve të fundit”, shtoi ai duke vënë në dukje dhe bërë përgjegjëse palën greke dhe atë evropiane për një pjesë të gabimeve.

“Pavarësisht vështirësive në negociatat e gjysmës së parë të vitit 2015, ne arritëm të shmangnim skenarin e tmerrshëm të krizës ekonomike dhe të mbetemi një vend anëtar i eurozonës”, tha Tsipras.

“Dy vjet më vonë, rritja ekonomike në vend arriti në 2 për qind të PBB-së dhe pritet rritet në 2,5 për qind gjatë vitit 2018”, shtoi ai.

“Drejtësitë sociale kanë qenë të kufizuara, por ne po bashkëpunojmë me partnerët evropianë për t’i dhënë fund kësaj aventure në gusht 2018”, tha kryeministri grek, Tsipras për gazetën e përditshme franceze “Le Figaro”.

Duke iu referuar Evropës, ai tha se institucionet evropiane duhet të bëhen më demokratike.

“Të gjitha vendimet nuk mund të merren me dyer të mbyllura. Evropa nuk mund të jetë një forum vetëm për diskutimet e teknokratëve apo liderëve politikë, ku më i fuqishmi vendos përmes vendimit të vet, si rasti i Gjermanisë”, shtoi Tsipras.

26 Nentor 2017

Shqiptari dhe greku arrestohen me 3 kg kokainë

Një shtetas shqiptar dhe një grek janë arrestuar në Iraklion, kryeqendra administrative e ishullit të Kretës. Ata akuzohen për posedimin dhe trafikimin e sasive të mëdha të drogave të forta.

FOTO GALERI


  • Organizata e emigrantëve “Arogji-Përkrahja”në 3 vjetorin e krijimit

  • SHQIPËRI-FRANCË: 1-0

  • “Vatra Labe” nderon mikun e shqiptarëve, shkrimtarin Dinos Kubatis

  • Qarkorja e re: Siguracioni dhe të ardhurat, pikat kyçe për lejet e qëndrimit

  • Shqipëri-Kosovë, mbledhja e përbashkët në Tiranë

  • Koferenca e Federatës së Shoqatave Shqiptare në Greqi

  • PREZANTIM LIBRI NE DETROIT

  • album2