KOMENT: Si mund të dalë Gjermania nga kriza e qeverisjes?

ATSH- DPA

BERLIN, 20 nëntor /ATSH-DPA/ – Lideri i Demokratëve të Lirë, Christian Lindner njoftoi dje në mbrëmje se bisedimet e koalicionit për formimin e një qeverie të re me bllokun konservator të kancelares, Angela Merkel dhe të Gjelbërit kishin dështuar.

Duke supozuar se Demokratët e Lirë (FDP) nuk janë të gatshëm për t’u kthyer në tryezën e negociatave, më poshtë janë renditur tri hapat që mund të ndërmerren:



Kthimi i koalicionit të mëparshëm

Për të arritur shumicën e nevojshme në parlamentin gjerman, kristiandemokratët e Merkelit (CDU) dhe Unioni Kristiansocial (CSU) mund të formojnë një koalicion të madh me socialdemokratët (SPD).

Deri tani, SPD-ja ka refuzuar të formojë një koalicion me Merkelin duke iu përmbajtur vendimit të partisë pas rezultateve të dobëta në zgjedhjet e shtatorit.

Pas dështimit të bisedimeve të koalicionit të dielën, një nga liderët e e SPD-së, Ralf Stegner deklaroi se partia e tij nuk kishte ndryshuar qëndrim dhe se dëshironte të mbetej në opozitë.



Qeveri e pakicës

Si liderja e partisë më popullore në vend, Merkel mund të zgjedhë gjithashtu të drejtojë një qeveri të pakicës, pas bashkimit me FDP-në apo të Gjelbërit për të formuar koalicionin.

Kjo do të thotë se Merkel do të humbasë shumicën e saj në parlament dhe do t’i duhet të kërkojë mbështetjen e partive të tjera për votat e politikave individuale.

Deri tani, qeveritë e pakicave në Gjermani kanë qenë një dukuri e rrallë, ekzistuese vetëm në nivel landesh.

Ky vendim mund të dëmtojë influencën e kancelares, Merkel e cila është parë gjithmonë nga liderët e huaj si gruaja më e fuqishme e botës.



Zgjedhje të parakohshme

Pas një serie përpjekjesh të pasuksesshme për formimin e qeverisë, presidenti i Gjermanisë, Frank-Walter Steinmeier, mund të shpërndajë parlamentin aktual dhe të kërkojë zgjedhje të parakohshme.

Zgjedhjet e parakohshme duhet të zhvillohen brenda 60 ditëve.

Përpara se kjo të ndodhë, si fillim Steinmeier duhet të nisë një proces që përfshin një votim parlamentar për të përcaktuar funksionin e Merkelit si kancelare e përkohshme.

Merkel njoftoi se do të zhvillojë sot një takim me Steinmeier dhe anëtarët e partisë së saj për të diskutuar mbi hapat e ardhshme të koalicionit.

Megjithatë, zgjedhjet e parakohshme mund të jenë të rrezikshme, pasi anëtarët e konservatorëve të Merkelit besojnë se zhvillimi i tyre mund të sjellë rezultate të dobëta për bllokun CDU / CSU, duke u mbështetur në rezultain e tyre më të ulët të zgjedhjeve të 24 shtatorit prej 32,9 për qind.

20 Nentor 2017

Shqiptari dhe greku arrestohen me 3 kg kokainë

Një shtetas shqiptar dhe një grek janë arrestuar në Iraklion, kryeqendra administrative e ishullit të Kretës. Ata akuzohen për posedimin dhe trafikimin e sasive të mëdha të drogave të forta.

FOTO GALERI


  • Organizata e emigrantëve “Arogji-Përkrahja”në 3 vjetorin e krijimit

  • SHQIPËRI-FRANCË: 1-0

  • “Vatra Labe” nderon mikun e shqiptarëve, shkrimtarin Dinos Kubatis

  • Qarkorja e re: Siguracioni dhe të ardhurat, pikat kyçe për lejet e qëndrimit

  • Shqipëri-Kosovë, mbledhja e përbashkët në Tiranë

  • Koferenca e Federatës së Shoqatave Shqiptare në Greqi

  • PREZANTIM LIBRI NE DETROIT

  • album2