"Yjet janë fare pranë" nga Betim Muço, vepra më e mirë letrare në Panairin e Tiranës

Zëri i Amerikës

Panairi i 20 i Librit Shqip në Tiranë kulmoi veprimtarinë pesëditore me disa çmime nga Shoqata e Botuesve Shqiptarë për krijuesit, studiuesit dhe përkthyesit më të mirë, që morën pjesë në të.

Vepra letrare më e mirë për këtë vit u shpall libri “Yjet janë fare pranë” nga Betim Muço, poeti dhe shkrimtari i njohur, që ndërroi jetë gati 3 vjet më parë në Maryland të SHBA, ku jetonte që në vitin 2001.

"Yjet janë fare pranë" ishte i fundit që shkruajti Betim Muço, madje kishte disa faqe pa përfunduar kur ai vdiq në moshën 68-vjeçare.

Poezitë e tij janë përkthyer në disa gjuhë të botës, ndërsa ai njihej edhe si përkthyes në shqip i shumë autorëve që nga Alice Munro, James Joyce dhe Vladimir Nabokov.

Betim Muço botoi shumë shumë vëllime me poezi e prozë, për ndjeshmërinë dhe sinqeritetin e të cilave fitoi disa çmime kombëtare në Shqipëri.

Shoqata e Botuesve Shqiptarë shpalli veprën “Faik Konica” nga Agron Alibali fituese në fushën e studimeve.

Autores Persida Asllani iu nda çmimi i letërsisë origjinale e artistike për fëmijë me librin “Unë quhem Musine Kokalari”.

“Lumturia e pritjes” e Carmina V., përkthyer nga Diana Çuli, u vlerësua si përkthimi më i mirë i vitit 2017.

Në Panairin e 20 të Librit erdhën 90 shtëpi botuese nga Shqipëria, Kosova, Maqedonia dhe botues të tjerë shqiptarë në rajon, të cilët sollën një mori botimesh në shqip dhe gjuhë të huaja.

20 Nentor 2017

Shqiptari dhe greku arrestohen me 3 kg kokainë

Një shtetas shqiptar dhe një grek janë arrestuar në Iraklion, kryeqendra administrative e ishullit të Kretës. Ata akuzohen për posedimin dhe trafikimin e sasive të mëdha të drogave të forta.

FOTO GALERI


  • Organizata e emigrantëve “Arogji-Përkrahja”në 3 vjetorin e krijimit

  • SHQIPËRI-FRANCË: 1-0

  • “Vatra Labe” nderon mikun e shqiptarëve, shkrimtarin Dinos Kubatis

  • Qarkorja e re: Siguracioni dhe të ardhurat, pikat kyçe për lejet e qëndrimit

  • Shqipëri-Kosovë, mbledhja e përbashkët në Tiranë

  • Koferenca e Federatës së Shoqatave Shqiptare në Greqi

  • PREZANTIM LIBRI NE DETROIT

  • album2