Arrestohet dërguesi i zarfit bombë që plagosi ish kryeministrin

Tribuna

Në Greqi është arrestuar një person që dyshohet se është ndër dërguesit e zarfit bombë që shpërtheu dhe plagosi ish kryeministrin Lukas Papademos.

Arrestimi i 29 vjeçarit nga shërbimi anti terror i policisë greke u bë i ditur paraditen e të shtunës.

Pritet që autoritetet të japin më shumë detaje gjatë orëve në vazhdim.

Sipas të dhënave të para, në banesën e tij në një nga lagjet pranë qendrës së Athinës, është gjetur një sasi e konsiderueshme eksplozivi, pistoleta dhe qindra fishekë. Nuk përjashtohet që ai të ketë pasur lidhje edhe me grupe terroriste, si “Komploti i Celulave të Zjarrit”.

I njëjti person dyshohet se ka dërguar zarfa bombë, të adresuara në kancelari të ndryshme europiane, përfshirë zyrën e ish ministrit gjerman të financave, Wolfgang Schauble.

Gjithashtu, dyshohet si personi që në 25 maj të këtij viti, dërgoi zarfin bombë në adresë të ish kryeministrit Lukas Papademos.

Papademos e hapi zarfin ndërsa makina e tij ishte në ecje dhe nga shpërthimi u plagos ish kryeministri si dhe dy nga shoqëruesit e tij. Pas këtij atentati, Papademos u desh të qëndronte për disa muaj në spital.

29 Tetor 2017

Shqiptari dhe greku arrestohen me 3 kg kokainë

Një shtetas shqiptar dhe një grek janë arrestuar në Iraklion, kryeqendra administrative e ishullit të Kretës. Ata akuzohen për posedimin dhe trafikimin e sasive të mëdha të drogave të forta.

FOTO GALERI


  • Organizata e emigrantëve “Arogji-Përkrahja”në 3 vjetorin e krijimit

  • SHQIPËRI-FRANCË: 1-0

  • “Vatra Labe” nderon mikun e shqiptarëve, shkrimtarin Dinos Kubatis

  • Qarkorja e re: Siguracioni dhe të ardhurat, pikat kyçe për lejet e qëndrimit

  • Shqipëri-Kosovë, mbledhja e përbashkët në Tiranë

  • Koferenca e Federatës së Shoqatave Shqiptare në Greqi

  • PREZANTIM LIBRI NE DETROIT

  • album2