Të enjten, doganat greke në grevë, nuk do të kalojë asnjë automjet

Në gjithë pikat kufitare të Greqisë që nga paraditja e të enjtes do të paralizohet lëvizja, për shkak të grevës 24 orëshe të doganierëve.

Sindikata mbarëkombëtare e punonjësve të doganave e ka shpallur grevë me qëllim sensibilizimin e qeverisë ndaj kërkesave të tyre me karakter kryesisht ekonomik.

Por ata kërkojnë edhe shtimin e personalit në doganat e vendit, sidomos në ato ku lëvizja ndërkufitare është jashtëzakonisht e madhe, si për shembull në Kakavijë.

Doganierët protestojnë kundër reduktimeve në buxhet, dhe ankohen se ata janë të detyruar të përballojnë edhe shumë prej shpenzimeve funksionale të pikave doganore.

Ndërprerja e punës në dogana do të fillojë në orën 07,00 të ditës së enjte dhe do të vazhdojë deri mëngjesin e të premtes.

Kjo do të thotë se edhe në pikat e kalimit kufitar midis Greqisë dhe Shqipërisë, për 24 orë nuk do të kalojë asnjë automjet, qofshin vetura, kamionë apo autobusë.

Në grevë janë vetëm doganierët, ndërsa policia kufitare funksionon normalisht, kështu që vetëm këmbësorët pa bagazhe do të mund të hyjnë apo të dalin nga Greqia.

Komisioni i grevës ka kërkuar që të enjten të takohet me ministrin e financave Euklidis Tsakalotos, për t’i parashtruar kërkesat e tyre.

Në varësi të përgjigjes nga ministri i financave, ata do të vendosin edhe për vazhdimin ose të lëvizjeve të tjera greviste.

18 Tetor 2017

Shqiptari dhe greku arrestohen me 3 kg kokainë

Një shtetas shqiptar dhe një grek janë arrestuar në Iraklion, kryeqendra administrative e ishullit të Kretës. Ata akuzohen për posedimin dhe trafikimin e sasive të mëdha të drogave të forta.

FOTO GALERI


  • Organizata e emigrantëve “Arogji-Përkrahja”në 3 vjetorin e krijimit

  • SHQIPËRI-FRANCË: 1-0

  • “Vatra Labe” nderon mikun e shqiptarëve, shkrimtarin Dinos Kubatis

  • Qarkorja e re: Siguracioni dhe të ardhurat, pikat kyçe për lejet e qëndrimit

  • Shqipëri-Kosovë, mbledhja e përbashkët në Tiranë

  • Koferenca e Federatës së Shoqatave Shqiptare në Greqi

  • PREZANTIM LIBRI NE DETROIT

  • album2