Greqia merr të hënën transhin e parë nga kësti i kredisë

Tribuna

Mekanizmi Europian i Stabilitetit (ESM), ka miratuar dhënien e këstit të radhës, me vlerë 8,5 miliardë euro, të kredisë për Greqinë.

ESM ka vendosur që disbursimi të bëhet me dy duar: Transhi i parë, me vlerë 7,7 miliardë euro do të kryhet të hënën, më 10 korrik.

Ndërsa 800 milionë eurot e transhit të dytë, do të jepen pas 1 shtatorit. Siç nënvizohet në njoftimin e ESM, ky transh do të disbursohet pasi të konfirmohet se “Greqia ka shënuar progres të rëndësishëm në shlyerjen e borxheve me burimet e veta”.

Kjo do të thotë se që të marrë transhin e parashikuar për në shtator, qeveria greke duhet të ketë kryer nga buxheti i shtetit pagesa borxhi me vlerë 400 milionë euro.

Edhe për transhin e dytë do të nevojitet një vendim i ri i ESM.

Komisioneri europian për financat, Pierre Moscovici, e cilësoi disbursimin e këstit, si një “shenjë të fuqishme shprese”.

Sipas Moscovici, kjo ka të bëjë me “vendet e reja të punës, investimet dhe rimëkëmbjen në dobi të të gjithëve”.

Siç vë në dukje ESM, me disbursimin e tanishëm, shkon në 39,4 miliardë euro kontributi i mekanizmit nga totali me vlerë 86 miliardë i programit të tretë të shpëtimit për Greqinë.

ESM dhe Fondi Europian i Stabiliteti Financiar (EFSF), kanë disbursuar bashkarisht për Greqinë, nga fillimi i krizës, 181,2 miliardë euro.

08 Korrik 2017

Shqiptari dhe greku arrestohen me 3 kg kokainë

Një shtetas shqiptar dhe një grek janë arrestuar në Iraklion, kryeqendra administrative e ishullit të Kretës. Ata akuzohen për posedimin dhe trafikimin e sasive të mëdha të drogave të forta.

FOTO GALERI


  • Organizata e emigrantëve “Arogji-Përkrahja”në 3 vjetorin e krijimit

  • SHQIPËRI-FRANCË: 1-0

  • “Vatra Labe” nderon mikun e shqiptarëve, shkrimtarin Dinos Kubatis

  • Qarkorja e re: Siguracioni dhe të ardhurat, pikat kyçe për lejet e qëndrimit

  • Shqipëri-Kosovë, mbledhja e përbashkët në Tiranë

  • Koferenca e Federatës së Shoqatave Shqiptare në Greqi

  • PREZANTIM LIBRI NE DETROIT

  • album2