Mediat greke për zgjedhjet në Shqipëri

Tribuna

Edhe mediat greke kanë ndjekur me interesim zhvillimin e zgjedhjeve në Shqipëri, çka pasqyrohet edhe në titujt e të përditshmeve, kryesisht në versionet online.

Vetëm dy televizione, ai shtetëror dhe Antena, i mbuluan zgjedhjet me anë të të dërguarve të tyre në Shqipëri.

Thuajse të gjitha mediat kanë promovuar incidentin e Lezhës, për t’i etiketuar arbitrarisht si “të përgjakshme” zgjedhjet e të dielës.

Ndërkohë, në të gjitha mediat ka gjetur pasqyrim exit polli i TV Ora News dhe IPR, që prezantohet kryesisht nën tituj të tillë si “Rama triumfon në zgjedhje”, apo “exit pollet tregojnë për fitore të Ramës”.

Mediat i kanë kushtuar vend të dukshëm edhe denoncimeve për blerje të votave apo intimidim të votuesve.

Ndërsa e përditshmja Kathimerini në një nga shkrimet kushtuar zgjedhjeve ndalet gjerësisht në përplasjen Meta-Rama, që e cilëson si paprecedent.

“Në çdo vend tjetër, presidenti i republikës do të mbante distancë nga politikat e tensionit, sidomos kur ato shënohen në periudhë elektorale”, nënvizon Kathimerini.

26 Qershor 2017

Shqiptari dhe greku arrestohen me 3 kg kokainë

Një shtetas shqiptar dhe një grek janë arrestuar në Iraklion, kryeqendra administrative e ishullit të Kretës. Ata akuzohen për posedimin dhe trafikimin e sasive të mëdha të drogave të forta.

FOTO GALERI


  • Organizata e emigrantëve “Arogji-Përkrahja”në 3 vjetorin e krijimit

  • SHQIPËRI-FRANCË: 1-0

  • “Vatra Labe” nderon mikun e shqiptarëve, shkrimtarin Dinos Kubatis

  • Qarkorja e re: Siguracioni dhe të ardhurat, pikat kyçe për lejet e qëndrimit

  • Shqipëri-Kosovë, mbledhja e përbashkët në Tiranë

  • Koferenca e Federatës së Shoqatave Shqiptare në Greqi

  • PREZANTIM LIBRI NE DETROIT

  • album2