Holandë, liberali Rutte fiton zgjedhjet me diferencë të dukshme nga populistët

Tribuna

Kryeministri holandez, Mark Rutte doli fituesi i pastër i zgjedhjeve parlamentare dhe me të gjitha gjasat do të kryesojë bisedimet për formimin e qeverisë së tretë radhazi të koalicionit që nga viti 2010.

Me 95 për qind të votave të numëruara, Partia për Lirinë dhe Demokracinë (VVD) ka marrë 33 vende për Dhomën e Ulët të parlamentit me 150 deputetë, me diferencë të dukshme nga populistët e Geert Wildersit, Partia për Lirinë (PVV) e të cilit ka marrë 20 vende.

Ndërkohë, në vend të tretë me nga 19 deputetë janë kristiandemokratët (CDA) dhe centristët e D66-ës.

“Pas Brexit dhe pas zgjedhjeve në SHBA, rruga e gabuar e populizmit u ndërpre”, deklaroi Rutte për mbështetësit e tij.

Partia Laburiste holandeze (PvdA) nën drejtimin e Lodewijk Asscher pësoi një humbje të madhe duke marrë vetëm nëntë deputetë.

Partia DENK, e formuar nga Tunahan Kuzu dhe Selçuk Ozturk, të cilët i largoi partia PvdA pasi nuk kishin dhënë votëbesimin për politikat integruese të saj, ka mundur të marrë tre deputetë.

Në këtë situatë asnjë parti nuk mund të formojë e vetme qeverinë pasi asnjëra prej tyre nuk kanë arritur shumicën e nevojshme për formimin e qeverisë.

Pritet një koalicion me katër parti.

16 Mars 2017

Dy të vdekur nga tërmeti në Itali

Një tërmet prej 4 shkallësh goditi të hënën në mbrëmje ishullin turistik italian Ischia, jo larg brigjeve të Napolit, duke vrarë të paktën dy persona dhe duke plagosur 25 të tjerë.

FOTO GALERI


  • Organizata e emigrantëve “Arogji-Përkrahja”në 3 vjetorin e krijimit

  • SHQIPËRI-FRANCË: 1-0

  • “Vatra Labe” nderon mikun e shqiptarëve, shkrimtarin Dinos Kubatis

  • Qarkorja e re: Siguracioni dhe të ardhurat, pikat kyçe për lejet e qëndrimit

  • Shqipëri-Kosovë, mbledhja e përbashkët në Tiranë

  • Koferenca e Federatës së Shoqatave Shqiptare në Greqi

  • PREZANTIM LIBRI NE DETROIT

  • album2